Շուն

Բինակար Ֆորտեն կիրառվում է նաև միջատների և տզերի խայթոցների հետ կապված ալերգիկ դերմատիտի բուժման և կանխարգելման ժամանակ։

ԲԱՂԱԴՐՈՒԹՅՈՒՆ՝ 1 մլ-ը պարունակում է իմիդակլոպրիդ՝ 80 մգ և ֆիպրոնիլ՝ 15 մգ։

ԱԶԴԵՑՈՒԹՅՈՒՆ՝ ունի կոնտակտային հակամակաբուծային ազդեցություն լվերի, ոջիլների, մազակերների և իքսոդային տզերի հասուն և թրթուրային փուլերի նկատմամբ։ Պաշտպանում է նաև մոծակներից, ճանճերից և մլակներից։ Լվերի և տզերի ոչնչացումը տեղի է ունենում մինչև 24 ժամվա ընթացքում։ Պաշտպանիչ ազդեցությունը տզերի նկատմամբ պահպանվում է մինչև 4 շաբաթ, իսկ միջատների նկատմամբ՝ 4–5 շաբաթ։

ԿԻՐԱՌՄԱՆ ԵՂԱՆԱԿ՝ դեղամիջոցը կիրառվում է չոր և չվնասված մաշկին՝ բուրդը բաժանելով։ Այն կաթիլներով քսվում է պարանոցի՝ գանգի հիմքի հատվածում կամ թիակների միջև՝ 3–4 կետում։ Կիրառումից հետո 24 ժամվա ընթացքում կենդանուն չի կարելի լվանալ կամ լողացնել։

ԴԵՂԱՉԱՓՈՒՄ՝

Փոքր ցեղատեսակի շներ և ձագեր՝ 0,5 մլ կաթոցիկներ
2–5 կգ՝ 1 կաթոցիկ
5–10 կգ՝ 2 կաթոցիկ
10–20 կգ՝ 4 կաթոցիկ

20 կգ-ից ավելի շների դեպքում՝ յուրաքանչյուր հաջորդ 10 կգ մարմնի քաշի հաշվով 1 մլ։

Միջին ցեղատեսակի շներ և ձագեր՝ 1 մլ կաթոցիկներ
2–5 կգ՝ 1/2 կաթոցիկ
5–10 կգ՝ 1 կաթոցիկ
10–20 կգ՝ 2 կաթոցիկ
20–30 կգ՝ 3 կաթոցիկ
30–40 կգ՝ 4 կաթոցիկ

40 կգ-ից ավելի շների դեպքում՝ յուրաքանչյուր հաջորդ 10 կգ մարմնի քաշի հաշվով 1 մլ։

Խոշոր ցեղատեսակի շներ և ձագեր՝ 2 մլ կաթոցիկներ
10–20 կգ՝ 1 կաթոցիկ
20–30 կգ՝ 1,5 կաթոցիկ
30–40 կգ՝ 2 կաթոցիկ

40 կգ-ից ավելի շների դեպքում՝ յուրաքանչյուր հաջորդ 10 կգ մարմնի քաշի հաշվով 1 մլ։

Կատուներ և կատվի ձագեր՝ 0,4 մլ կաթոցիկներ
1–2 կգ՝ 1/2 կաթոցիկ
3–4 կգ՝ 1 կաթոցիկ
4–8 կգ՝ 2 կաթոցիկ

Նվազագույն բուժական դեղաչափը՝ 0,1 մլ/կգ։

ԿԻՐԱՌՄԱՆ ՀԱՃԱԽԱԿԱՆՈՒԹՅՈՒՆ՝ լվերի, ոջիլների, մազակերների և իքսոդային տզերի ոչնչացման համար կիրառվում է մեկ անգամ։ Կրկնակի վարակումը կանխելու և միջատների հարձակումներից պաշտպանելու համար՝ ամիսը մեկ անգամ՝ մակաբույծների ակտիվության սեզոնի ընթացքում։

ՀԱԿԱՑՈՒՑՈՒՄՆԵՐ՝ չի կիրառվում 8 շաբաթականից փոքր շների և կատուների, 1 կգ-ից պակաս քաշ ունեցող շների և 0,5 կգ-ից պակաս քաշ ունեցող կատուների, ինչպես նաև հիվանդ, թուլացած և ապաքինվող կենդանիների մոտ։ Չի կիրառվում հղի և կրծքով կերակրող էգերի մոտ։ Չի համակցվում այլ ինսեկտոակարիցիդային դեղամիջոցների հետ։

ՓԱԹԵԹԱՎՈՐՈՒՄ՝ 0,4 մլ, 0,5 մլ, 1 մլ և 2 մլ պոլիմերային խողովակ-կաթոցիկներ՝ 2 կամ 4 հատ փաթեթավորմամբ։

ՊԱՀՊԱՆՄԱՆ ՊԱՅՄԱՆՆԵՐ՝ պահել 0–25 °C ջերմաստիճանում՝ արևի ուղիղ ճառագայթներից պաշտպանված վայրում, սննդամթերքից և կենդանիների կերից առանձին, երեխաների համար անհասանելի վայրում։

ՊԻՏԱՆԻՈՒԹՅԱՆ ԺԱՄԿԵՏ՝ 3 տարի։